TELUGU MOVIE SONGS IN THE MEAN WHILE

ఎన్నాళ్ళనీ ఈ ఎదలో ముల్లు వేణువై వచ్చాను

వేణువై వచ్చాను భువనానికి

గాలినై పోతాను గగనానికి

మమతలన్నీ మౌనగానం

వాంఛలన్నీ వాయులీనం

ఏడు కొండలకైన బండతానొక్కటే

ఏడు జన్మల తీపి ఈ బంధమే

నీ కంటిలో నలక లో వెలుగు నే కనక

మేను నేననుకుంటె ఎద చీకటే హరీ!

రాయినై ఉన్నాను ఈనాటికీ

రామ పాదము రాక ఏనాటికి

నీరు కన్నీరాయే ఊపిరే బరువాయే

నిప్పు నిప్పుగ మారే నా గుండెలో

ఆ నింగిలో కలిసి నా శున్య బంధాలు

పుట్టిల్లు చేరే మట్టి ప్రాయాలు హరీ!

రెప్పనై ఉన్నాను మీ కంటికి

పాపనై వస్తాను మీ ఇంటికి

ప్రేమ లేదని

ప్రేమ లేదని ప్రేమించరాదని

ప్రేమ లేదని ప్రేమించరాదని

సాక్ష్యమే నీవని నన్ను నేడు చాటనీ

ఓ ప్రియా జోహారులు

మనసు మాసిపోతే మనిషే కాదని

కటిక రాయికైనా కన్నీరుందని

వలపు చిచ్చు రగులుకుంటె ఆరిపోదని

గడియ పడిన మనసు తలుపు తట్టి చెప్పనీ

ముసురు గప్పి మూగవోయి నీ ఊపిరి

ముసురు గప్పి మూగవోయి నీ ఊపిరి

మోడుబారి నీడ తోడు లేకుంటిని

గురుతు చెరిపివేసి జీవించాలని

చెరపలేకపోతే మరణించాలని

తెలిసి కూడ చెయ్యలేని వెర్రివాడిని

గుండె పగిలిపోవు వరకు నన్ను పాడనీ

ముక్కలలో లెక్కలేని రూపాలలో

ముక్కలలో లెక్కలేని రూపాలలో

మరల మరల నిన్ను చూసి రోదించనీ

Posted by  RAMU at 7:46 PM 1 comments Links to this post

Labels: Lyrics - Aatreya, Movie - Abhinandana, Singer - SP Balasubrahmanyam

Abhinandana - Prema Enta Madhuram

ప్రేమ ఎంత మధురం

ప్రేమ ఎంత మధురం ప్రియురాలు అంత కఠినం

చేసినాను ప్రేమ క్షీర సాగర మధనం

మింగినాను హలాహలం

ప్రేమించుటేనా నా దోషము

పూజించుటేనా నా పాపము

కన్నీరుగ ఈ కరిగే కళ్ళు

నాలోని నీ రూపము

నా జీవనాధారము

అది ఆరాలి పోవాలి ప్రాణము

నేనోర్వలేను ఈ తేజము

ఆర్పేయరాదా ఈ దీపము

ఆ చీకటిలో కలిసే పోయి

నా రేపటిని మరిచే పోయి

మానాలి నీ ధ్యానము

కావాలి నే శూన్యము

అపుడాగాలి ఈ మూగ గానం

Posted by  RAMU at 7:34 PM 0 comments Links to this post

Labels: Lyrics - Aatreya, Movie - Abhinandana, Singer - SP Balasubrahmanyam

Abhinandana - Eduta Neeve

ఎదుట నీవే

ఎదుట నీవే ఎదలోన నీవే

ఎదుట నీవే ఎదలోన నీవే

ఎటు చూస్తే అటు నీవే మరుగైనా కావే

మరుపే తెలియని నా హృదయం

తెలిసీ వలచుట తొలి నేరం అందుకే ఈ గాయం

గాయాన్నైనా మాననీవు హృదయాన్నైనా వీడిపోవు

కాలం నాకు సాయం రాదు మరణం నన్ను చేరనీదు

పిచ్చివాణ్ణీ కానీదు

కలలకు భయపడిపోయాను నిదురకు దూరం అయ్యాను

వేదన పడ్డాను

స్వప్నాలైతే క్షణికాలేగా సత్యాలన్నీ నరకాలేగా

స్వప్నం సత్యమైతే వింత సత్యం స్వప్నమయ్యేదుందా

ప్రేమకింత బలముందా

Posted by  RAMU at 7:19 PM 1 comments Links to this post

Labels: Lyrics - Aatreya, Movie - Abhinandana, Singer - SP Balasubrahmanyam

Abhinandana - Ade Neevu Ade Nenu

అదే నీవు అదే నేను

అదే నీవు అదే నేను అదే గీతం పాడనా

అదే నీవు అదే నేను అదే గీతం పాడనా

కథైనా కలైనా కనులలో చూడనా

కొండా కోన గుండెల్లో ఎండావానలైనాము

కొండా కోన గుండెల్లో ఎండావానలైనాము

గువ్వ గువ్వ కౌగిల్లో గూడు చేసుకున్నాము

అదే స్నేహము అదే మోహము

అదే స్నేహము అదే మోహము

ఆది అంతం ఏదీ లేని గానము

నిన్నా రేపు సందెల్లో నేడై ఉందామన్నావు

నిన్నా రేపు సందెల్లో నేడై ఉందామన్నావు

కన్నీరైన ప్రేమల్లో పన్నీరౌదామన్నావు

అదే బాసగా అదే ఆశగా

అదే బాసగా అదే ఆశగా

ఎన్నిన్నాళ్ళీ నిన్న పాటే పాడను

ధనమేరా

ధనమేరా అన్నిటికి మూలం ఆ ధనము విలువ తెలుసుకొనుట మానవ ధర్మం
ధనమేరా అన్నిటికి మూలం ఆ ధనము విలువ తెలుసుకొనుట మానవ ధర్మం
ధనమేరా అన్నిటికి మూలం

మానవుడే ధనామన్నది స్రుజియించెనురా దానికి తనే తెలియని దాసుడాయెరా
మానవుడే ధనామన్నది స్రుజియించెనురా దానికి తనే తెలియని దాసుడాయెరా
ధనలక్శ్మిని అదుపులోన పెట్టినవాడే
ధనలక్శ్మిని అదుపులోన పెట్టినవాడే
గుణవంతుడు బలవంతుడు భగవంతుడురా

..ధనమేరా అన్నిటికి మూలం..

ఉన్ననాడు తెలివికలిగి పొదుపుచేయరా లేనినాడు ఒడలు వంచి కూడబెట్టరా
ఉన్ననాడు తెలివికలిగి పొదుపుచేయరా లేనినాడు ఒడలు వంచి కూడబెట్టరా
కొండలైన కరిగిపోవు కూర్చుని తింటే
కొండలైన కరిగిపోవు కూర్చుని తింటే
హయ్యో కూలి పోవు కాపురాలు ఇది తెలియకుంటే..

ధనమేరా అన్నిటికీ మూలం
కూలివాని చెమటలో ధనమున్నదిరా
పాలికాపు కండల్లొ ధనమున్నదిరా
కూలివాని చెమటలో ధనమున్నదిరా
పాలికాపు కండల్లొ ధనమున్నదిరా
శ్రమజీవికి జగమంతా లక్శ్మీనివాసం
శ్రమజీవికి జగమంతా లక్శ్మీనివాసం
ఆ శ్రీదేవిని నిరశించుత తీరని ద్రొహం

ధనమేరా అన్నిటికి మూలం ఆ ధనము విలువ తెలుసుకొనుట మానవ ధర్మం

Posted by RAMU at 1:31 PM 2 comments Links to this post

Sunday, December 9, 2007

Kanne manasu - yE divilo virisina

ఏ దివిలో విరిసిన

ఏ దివిలో విరిసిన పారిజాతమో

ఏ కవిలో మెరిసిన ప్రేమగీతమో

నా మదిలో నీవై నిండిపోయెనే

ఏ దివిలో విరిసిన పారిజాతమో

ఏ కవిలో మెరిసిన ప్రేమగీతమో

నీ రూపమే దివ్యదీపమై

నీ నవ్వులే నవ్యతారలై

నా కన్నుల వెన్నెల కాంతి నింపెనే

పాలబుగ్గలను లేతసిగ్గులో పల్లవించగా రావే

నీలిముంగురులు పిల్లగాలితో ఆటలాడగా రావే

కాలి అందియలు ఘల్లుఘల్లుమన రాజహంసలా రావే

నిదురమబ్బులను మెరుపుతీగవై కలలు రేపినది నీవే

బ్రతుకు వీణపై ప్రణయరాగములు ఆలపించినది నీవే

పదము పదములో మధువులూరగా కావ్యకన్యవై రావే

మౌనంగానే ఎదగమని

మౌనంగానే ఎదగమని మొక్క నీకు చెబుతుంది

ఎదిగిన కొద్దీ ఒదగమని అర్ధమందులో ఉంది

అపజయాలు కలిగిన చోటే గెలుపు పిలుపు వినిపిస్తుంది

ఆకులన్ని రాలిన చోటే కొత్త చిగురు కనిపిస్తుంది

దూరమెంతో ఉందని దిగులు పడకు నేస్తమా

దరికి చేర్చు దారులు కూడ ఉన్నాయిగా

భారమెంతో ఉందని బాధపడకు నేస్తమా

బాధవెంట నవ్వుల పంట ఉంటుందిగా

సాగర మధనం మొదలవగానే విషమే వచ్చింది

విసుగే చెందక కృషి చేస్తేనే అమృతమిచ్చింది

అవరోధాల దీవుల్లో ఆనంద నిధి ఉన్నది

కష్టాల వారధి దాటిన వారికి సొంతమౌతుంది

తెలుసుకుంటె సత్యమిది

తలచుకుంటె సాధ్యమిది

చెమట నీరు చిందగా నుదుటి రాత మార్చుకో

మార్చలేనిదేదీ లేదని గుర్తుంచుకో

పిడికిలే బిగించగా చేతి గీత మార్చుకో

మారిపోని కధలే లేవని గమనించుకో

తోచినట్టుగా అందరి రాతను బ్రహ్మే రాస్తాడు

నచ్చినట్టుగా నీ తలరాతను నువ్వే రాయాలి

నీ ధైర్యాన్ని దర్శించి దైవాలే తలదించగా

నీ అడుగుల్లో గుడికట్టి స్వర్గాలే తరియించగా

నీ సంకల్పానికి ఆ విధి సైతం చేతులెత్తాలి

అంతులేని చరితలకి ఆది నువ్వు కావాలి